Plantun de Prouvènço

Pèr coumpara dos planto d'encò nostre

Asperula cynanchica subsp. cynanchica & Geranium columbinum

Asperula cynanchica subsp. cynanchica

Rubiaceae

Noms en français : Aspérule à l'esquinancie, Herbe à l'esquinancie.

Descripcioun :
L'erbo-de-l'esquilènci es uno planto proun coumuno, mai pas toujour bèn couneigudo, que trachis dins li tepiero seco de colo e de mountagno. Li lòngui tijo, carrado e primo, porton d'inflourejado de poulìdi flour roso emé un long tube. Li fueio d'en bas soun verticilado alor que li di ramo d'en aut soun óupousado.

Usanço :
Ero uno erbo couneigudo pèr sougna l'esquilènci, valènt-à-dire li poustèmo (acamp) di gaio dóu còu (amidalo).

Port : Erbo
Taio : 10 à 60 cm
Fueio : verticilado
Tipe bioulougico : Emicriptoufite
Cicle bioulougico : Planto renadivo

Gènre : Asperula
Famiho : Rubiaceae

Coulour de la flour : Roso
Petalo : 4
Ø (o loungour) flour : 2 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Tepiero seco - Roucaio - Paret - Champ
Estànci : Mesoumediterran à Subaupen
Couroulougi : Éurimediterranenco
Ref. sc. : Asperula cynanchica subsp. cynanchica L., 1753

Geranion(-di-couloumbo)

Geranium columbinum

Geraniaceae

Noms en français : Géranium colombin, Pied-de-pigeon.

Descripcioun :
Aqueste geranion de l'an trachis dins li roucaio, tepiero e ermas. S'espandis e rebalo au sòu e si pecou de flour fan mai de 2 cm ço que permès de lou destria dóu Geranium dissectum que ié sèmblo proun. Tambèn si sepalo soun bèn pounchudo (fotò) e dins li paréu de flour n'i'a souvent uno de mounto e l'autro que toumbo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 60 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Geranium
Famiho : Geraniaceae

Ordre : Geraniales

Coulour de la flour : Roso
Petalo : 5
Ø (o loungour) flour : 5 à 7 mm
Flourido : Printèms

Sòu : Ca (Si)
Autour basso e auto : 0 à 1200 m
Aparado : Noun
Abriéu à juliet

Liò : Roucaio - Tepiero seco - Champ
Estànci : Termoumediterran à Mountagnard
Couroulougi : Eurimediterrano
Ref. sc. : Geranium columbinum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

Asperula cynanchica subsp. cynanchica & Geranium columbinum

CCC

Coumpara Erbo-de-l'esquilènci emé uno autro planto

Coumpara Geranion(-di-couloumbo) emé uno autro planto